DC MUFINDI MHE.DKT LINDA SALEKWA ASIKILIZA KERO ZA WANANCHI KATA YA WAMBI- MAFINGA TC

Posted on: November 20th, 2023

“ Kila mmoja asimame kwenye nafasi, turudi kwenye maadili yetu na Mila zetu, Tuzifuate.”

Kauli hiyo imetolewa na Mkuu wa Wilaya ya Mufindi Mheshimiwa Dkt. Linda Salekwa alipokuwa kwenye mkutano wa hadhara kusikiliza na kutatua kero za wananchi wa Kata ya Wambi katika Halmashauri ya Mji Mafinga.

Amesema Ulawiti na Ubakaji kwa watoto umekithiri jambo ambapo linapekekea watoto wengi kuathirika na kukatishwa haki zao za Msingi za kusoma na kuharibika Afya zao.

“ hebu turudi kwenye mila zetu na tamaduni zetu, Ni Mila na desturi za wapi za kubaka watoto na kuwalawiti na nyie wakina mama mnasimama na kusema mtamaliza matatizo hayo kifamilia! Sio kwenye Wlaya yangu ya Mufindi ntakusaka popote ulipo na ntahakikisha sheria zinachukuliwa” tusiwakatishe maisha yao watoto na unapoona vitendo hivi toa taarifa haraka”

Aidha Mkuu wa Wilaya ya Mufindi amesikiliza, kutolea ufafanuzi, kutatua na Kutoa maagizo kuhusu kero alizozipokea.

Moja ya kero aliyopokea Ni kuhusiana na vibali vya ujenzi kutaka mwananchi Kata ya Wambi kujenga kwa kufuata rangi pendekezwa ya bati ambayo ni kijivu. Akijibu Mhandisi Mji Mafinga Christopher Nyamvugwa amesema rangi za bati kulingana na eneo zinasaidia, kupendezesha Mji, hazichakai haraka hivyo Mji kuonekana vizuri muda wote na zinasaidia kutofautisha Kata na Kata.

Naye Diwani wa Kata ya Wambi Mheshimiwa Meja Kalinga amemshukuru Mkuu wa Wilaya Mheshimiwa Dkt. linda Salekwa kwa kufika Kata ya Wambi na kuzungumza na wananchi wa Kata hiyo na kutolea ufafanuzi kuhusu tatizo la Moto, TASAF na Ulinzi na Usalama.

Viongozi mbalimbali ngazi ya Wilaya wamehudhuria mkutano huo akiwemo Kaimu Mkurugenzi Bi, Doroth Kobelo na wataalamu mbalimbali kutoka Halmashauri ya Mji Mafinga.

Sima Bingileki 

Mkuu wa Kitengo Cha Mawasiliano Serikalini-Mafinga TC