HAFLA ILIYOANDALIWA NA MKURUGENZI BI FIDELICA MYOVELLA KUWAPONGEZA WASHIRIKI WA SHIMISEMITA KWA KUILETEA HALMASHAURI MAKOMBE MATATU (3) NA MEDALI MOJA

Posted on: October 4th, 2024

Leo Tarehe 30/9/2024 Mkurugenzi wa halmashauri ya Mji wa Mafinga Bi Fidelica Myovella ameandaa hafla ya kuwapongeza na kupokea makombe rasmi kwa washiriki wa Michezo ya Watumishi wa Serikali za mitaa (Shimisemita) iliyofanyika Mkoani Mwanza mwaka 2024.

“Michezo inatanua ujuzi lakini inakufanya uweze kujenga urafiki na watu wengine lakini pia niwapongeze kwa kutokurudi mikono mitupu na pia Halmashauri itaendelea kutoa ushirikiano na vifaa ambavyo vipo chini ya uwezo wetu kama mpira na jezi” Maneno hayo yametolewa na Mkurugenzi katika hafla ya kuwapongeza wanamichezo hao waliowakilisha Mji wa Mafinga.

Pia Watumishi ao wamemshukuru Mkurugenzi na uongozi wote wa Mafinga Mji kwa ujumla kwa ushirikiano waliopatiwa wa hali na Mali pamoja na ruhusa ya kushiriki Michezo pia wamemshukuru Mbunge wa Mafinga Mji Mheshimiwa Cosato Chumi kwa ushirikiano aliowaonyesha na wameahidi kuendelea kufanya kazi kwa ueledi na kuendelea kuiwakilisha 

 halmashauri ya Mafinga Mji Vizuri.

Ambapo katika mashindano hayo walitwaa vikombe vitatu na medali moja ambavyo ni:-

Volleyball wanawake- Mshindi wa Kwanza Kombe

Ngoma Mshindi wa Kwanza Kombe

Kwaya Mshindi wa tatu Kombe

Neema chongolo kurusha tufe wanawake Mshindi wa Kwanza nishani