HALMASHAURI YA MJI MAFINGA YAADHIMISHA SIKU YA UKIMWI DUNIANI KWA KUTOA HUDUMA ZA UPIMAJI BURE

Posted on: December 1st, 2022

Halmashauri ya Mji Mafinga imeadhimisha Siku ya Ukimwi duniani kwa kutoa huduma za upimaji bure nje geti la hospitali ya Mji Mafinga. Huduma zinazotolewa bure ni upimaji wa kifua kikuu,kupima VVU, kupima kisukari, maralia, kuchukua vipimo vya COVID 19 na kutoa chanjo ya COVID

Akiongea Mganga Mkuu wa Halmashauri ya Mji Mafinga Dkt.Chitopela Bonaventura amesema kuwa Maadhimisho yalianza tangu tarehe 28/11 kwa kutoa  huduma mbalimbali za upimaji kwenye maeneo ya mikusanyiko ya watu,vituo vya Afya na zahanati.

Ameongeza kuwa Elimu ilitolewa na Mawakili Tiba kwa jamii kwa kata zote 9 kuhusu ufuasi mzuri wa dawa kwa watu wanaoishi na maabukizi, elimu ya upimaji na ushauri kwa magonjwa mbalimbali.

Mwananchi Aneth Kiswaga aliyefika kwenye maadhimisho hayo yaliyofanyika nje ya hospitali ya Mafinga Mji kwaajili ya kupokea chanjo ya UVICO 19 amesema kuwa, huduma hizi zisisubiri maadhimisho, watu wanazihitqji sana mitaani lakini wengi hatuna utaratibu wa kuja hospitali tunajitibia wenyewe kumbe tunadhoofisha afya zetu.

“ Tunaomba msisubiri maadhimisho tunaomba hata hili turubai

Libaki hapa tukipita tunakuja hapa tunapima kusubiri mpk tupange foleni hospitali wengi wazito hapa nimepima maralia bure, vipimo vingine wamechukua kwa kweli huu utaratibu mzuri mno tunaomba uendelee” Kauli ya Aneth Kiswaga aliyepatiwa huduma siku ya Maadhimisho ya UKIMWI.

Maadhimisho yamehudhuriwa na waheshimiwa Madiwani, wakuu wa Idara, wananchi na wadau wa Afya wakiwemo HUHESO Foundation, USAID AFYA YANGU, IDYDC,RDO, Afya Women Group na Chuo cha Maendeleo ya Jamii Rungemba

Maadhimisho ya Siku ya Ukimwi Duniani yamebeba kauli mbiu ya IMARISHA USAWA, “ USAWA WA KIJINSIA, USAWA WA HUDUMA NA USAWA WA HAKI ZA BINADAMU” yameadhimishwa na kusimamiwa na Idara ya Afya na Maendeleo ya Jamii kwa Halmashauri ya Mji Mafinga.

IMEANDALIWA NA KITENGO CHA MAWASILIANO SERIKALINI-MAFINGA TC

Sima Bingileki

Kaimu Mkuu wa Kitengo cha Mawasiliano Serikalini -Mafinga TC