KAMATI YA SIASA YA WILAYA YA MUFINDI IMEFANYA ZIARA YA KUKAGUA UTEKELEZAJI WA MIRADI YA MAENDELEO KATIKA HALMASHAURI YA MJI MAFINGA.

Posted on: November 7th, 2023

“ Tuhakikishe tunazitangaza kazi nzuri zinazofanywa na Rais wa Jamhuri ya Muungano wa Tanzania Mheshimiwa Dr.Samia Suluhu Hassan na Serikali ya Chama Cha Mapinduzi kwani Miradi inayoletwa Fedha Ni Mingi hasa katika Sekta ya Elimu na Niwapongeze Halmashauri ya Mji Mafinga Chini ya Mkurugenzi wake Ndugu Ayoub Kambi na Wataalamu wote kwa kusimamia Miradi vizuri na Thamani ya Mradi na Fedha iliyowekwa inaonekana.  Hakika mnatekeleza Ilani ya Chama Cha Mapinduzi kwa Vitendo”

Kauli hiyo imetolewa na Mwenyekiti wa CCM Wilaya ya Mufindi Mhe. George Kavenuke akiwa na Kamati Siasa ya Chama Cha Mapinduzi Wilaya ya Mufindi kwenye ziara ya kukagua Utekelezaji wa Ilani ya Chama Cha Mapinduzi ilipo fanya ziara katika Shule ya Msingi Bumilayinga kukagua Ujenzi wa Madarasa 2  ya Awali ya Mfano ujenzi wa Vyoo matundu 6 na uwekaji wa michezo ya watoto(BOOST)

Pia Kamati ya Siasa Imekagua Ujenzi wa nyumba ya walimu (2 in 1) katika Shule ya Sekondari Saohill ambapo Ujenzi upo hatua ya Ukamilishaji na ujenzi wa Madarasa 5 na vyoo matundu 6 (BOOST) katika Shule ya Msingi Sabasaba Kata ya Changarawe

Akitoa taarifa Mkurugenzi wa Mji Mafinga Ndugu Ayoub Kambi amesema katika Ujenzi wa Madarasa 2 ,matundu 6 ya vyoo na Michezo ya watoto katika Shule ya Msingi Bumilayinga Halmashauri ilipokea jumla ya Shilingi milioni 69.1 kutoka Serikali Kuu na Mradi umekamilika.

Amesema Ujenzi wa nyumba za walimu katika Shule ya Sekondari Saohili(2in1) Halmashauri ilipokea shilingi milioni 100 na Jengo lipo katika hatua za ukamilishaji.

Kamati ya Siasa ya Chama Cha Mapinduzi Wilaya ya Mufindi imekamilisha ziara yake kukagua ujenzi wa madarasa matano na matundu 6 ya vyoo, ambapo mradi umekamilika na Fedha pokelewa ilikuwa kiasi cha shilingi milioni 131 kutoka Serikali Kuu.

Katibu Tawala Wilaya ya Mufindi Ndg. Frank Sichalwe kwa niaba ya  DC- Mufindi amempongeza Mkurugenzi wa Mji Mafinga na Wataalamu kwa usimamizi wa Miradi ya Maendeleo na kuwataka Wataalamu wote wa Wilaya ya Mufindi kuhakikisha Miradi yote inakamilika kwa ubora na wakati ili wananchi wapate huduma Bora kama malengo ya Rais Dkt. Samia Suluhu Hassan yanavyotaka.

Sima Bingileki

Mkuu wa Kitengo cha Mawasiliano-Mafinga TC