KIKAO KAZI CHA KUTATUA CHANGAMOTO ZA WAFANYABIASHARA

Posted on: November 12th, 2024

“Lengo la Utafiti huu unaofanywa na Mamlaka ya Mapato Tanzania(TRA)kwa kushirikiana na Taasisi nyingine za Serikali ni kubaini gharama za kufanya biashara nchini Tanzania na Changamoto zinazokabili wafanyabiashara huku Serikali ikilenga kuboresha Mfumo wa Kodi na kuwapunguzia wafanyabiashara gharama za Ufanyaji wa biashara Nchini.”

Kauli hiyo imetolewa Ndugu. Hassan Minga Afisa Mwandamizi wa TRA Makao Makuu alipokuwa akizungumza na Wafanyabiashara kutoka Wilaya ya Mufindi kwa lengo la kusikiliza changamoto wanazokutana nazo katika utekelezaji wa Biashara zao Nchini na Tanzania na kupokea maoni yao , wanatamani Serikali ifanye nini ili kuwajengea mazingira mazuri ya ulipaji wa Tozo mbalimbali za Serikali.

Akizungumza mmoja wa wafanyabiashara kutoka Halmashauri ya Mji Mafinga amesema Serikali ingeweka mfumo mzuri wa ukusanyaji wa Kodi, hakika Wafanyabiashara wangepunguziwa mzigo wa Utitiri wa Kodi na wangelipa kwa wakati.

“ Kodi ni nyingi mno zingepunguzwa na ikibidi ziwekwe sehemu moja , ili kupunguza utitiri, pia faini ziangalie muda wa mtu kuchelewa kulipa, tudaiwe kwa lugha rafiki, kuna mgongano Mkubwa wa Kisheria kuhusu baadhi ya kodi. Tunaomba Serikali haya tuliyoyasema yakalete mabadiriko kwa wafanyabiashara nchini”

Kikao cha Utafiti, kimefanyika katika Ukumbi wa Halmashauri ya Mji Mafinga na kimehudhuriwa na Wataalamu kutoka TRA,Ofisi ya Waziri Mkuu, TAMISEMI na Wizara ya viwanda na Biashara

Imeandaliwa na Kitengo Cha Mawasiliano Serikalini
Sima Mark Bingileki
Mkuu wa Kitengo cha Mawasiliano- Mafinga TC

Wadau mbalimbali wakiwa katika kikao kazi cha kujadili jinsi ya kupunga changamoto kwa wafanyabiashara kikao hicho  kimefanyikia katika ukumbi wa Halmashauri ya Mji Mafinga.