MAKARANI WAONGOZAJI WAPIGAKURA WAFUNDWA NA MSIMAMIZI WA UCHAGUZI JIMBO LA MAFINGA MJINI

Posted on: October 25th, 2025

“Dhamana mliyopewa ya Kusimamia Uchaguzi ni kubwa,nyeti na muhimu kwa Mustakabali wa Taifa letu, Mmeteuliwa kwa mujibu wa Sheria kwa kufuata katiba na mpo hapo kwa niaba ya Tume Huru ya Uchaguzi katika vituo 209 mtakavyopangiwa katika Kata 9”

Kauli hiyo imetolewa na Msimamizi wa Uchaguzi Jimbo la Mafinga Mjini Bi. Dorothy Kobelo alipokuwa akifungua mafunzo ya Makarani Waongozaji Wapiga Kura yaliyofanyika katika Ukumbi wa Shule ya Sekondari Changarawe katika Halmashauri ya MJI Mafinga.

Amewataka Makarani waogozaji Wapiga Kura
Kuhakikisha hawawi vyanzo vya malalamiko kwa Vyama Vya Siasa na wanatumia lugha nzuri katika kutoa huduma hiyo na kuwapa kipaumbele watu wenye mahitaji Maalum siku ya kupiga kura.

Aidha Makarani Waogozaji Wapigakura wamekula kiapo cha kutunza Siri kiapo kilichoongozwa na Wakili Msomi , Mwanasheria Halmashauri ya MJI Mafinga Gaspar Kalinga.

Nae Afisa Uchaguzi Ndugu Benedict Kibiki amesema kuwa mafunzo ya Makarani Waongozaji 209 yanafanyika siku moja ambapo mafunzo kwa Wasimamizi na Wasimamizi wasaidizi yatafanyika kwa muda wa Siku 2.

Kwa Mujibu wa Ratiba ya Uchaguzi iliyotolewa na Tume Huru ya Uchaguzi, Uchaguzi wa Rais, Wabunge na Madiwani utafanyika Tarehe 29 Oktoba, 2025 Siku ya Jumatano. Jimbo la Mafinga Mjini ni Moja kati ya Majimbo 272 yatakayo fanya uchaguzi wa Rais, Wabunge na Madiwani 2025.
“KURA YAKO HAKI YAKO JITOKEZE KUPIGA KURA”

Imetolewa na
Sima Mark Bingileki
Mkuu wa Kitengo cha Mawasiliano-Mafinga TC

1d