MWENGE WA UHURU 2023 WARIDHIA MIRADI YOTE 8 YA MAENDELEO YENYE THAMANI YA SHILINGI 38,949,011,547.00 HALMASHAURI YA MJI MAFINGA.

Posted on: May 8th, 2023

Akikabidhi Mwenge wa Uhuru 2023 Mkuu wa Wilaya ya Mufindi Mheshimiwa Linda Salekwa kwa Mkuu wa Mkoa wa Iringa Mheshimiwa Halima Dendego baada ya kumaliza Mbio zake katika Halmashauri ya

Mji Mafinga Mheshimiwa Salekwa amesema Mwenge wa Uhuru umekimbizwa umbali wa Kilometa 54.7 katika Mji Mafinga na Miradi ya Maendeleo 8 yenye thamani ya shilingi 38,949,011,547.00 imeridhiwa na Mwenge wa Uhuru 2023.

Naye Kiongozi wa Mbio za Mwenge wa Uhuru Kitaifa Ndugu, Abdallah Shaib Kaim akitoa salamu zake na Kuaga Halmashauri ya Mji Mafinga amesema, Hakika Umoja katika Utendaji kazi, Matumizi sahihi ya pesa na uwazi katika nyaraka ndo umeifikisha Halmashauri ya Mji Mafinga Kuridhiwa Miradi yote 8 ya Maendeleo.

“ Lengo la Mbio hizi za Mwenge wa Uhuru ni kuchocheo Maendeleo, mshikamano na Uwazi katika Utendaji wa Kazi, kwa Mji wa Mafinga hili mmefanikiwa kwani kwa miradi yote tuliyopita hakika kila kitu kilikuwa wazi, kasoro ndogo ndogo haziwezi kukosekana ambapo tunawaelekeza nini mfanye ili kuweka sawa kasoro hizo ambazo hata hivyo haziathiri utekelezaji wa Miradi, hakika niwapongeze Mkuu wa Wilaya, Viongozi wa Chama Cha Mapinduzi, Kamati ya Ulinzi na Usalama Wilaya pamoja na Waheshimiwa Madiwani, Mkurugenzi wa Mji Mafinga na Mheshimiwa Mbunge wa Mafinga Mjini Mheshimiwa Cosato Chumi kwa Usimamizi mzuri wa Miradi ya Maendeleo.” Kiongozi wa Mbio za Mwenge wa Uhuru Kitaifa.

Miradi 8 iliyoridhiwa na Mwenge wa Uhuru 2023 ni kama ifuatavyo:-

-KUWEKA JIWE LA MSINGI KIWANDA CHA LUSH CHANZO(WOOD INDUSTRIES)- KATA YA RUNGEMBA.

-KUZINDUA MRADI WA MAJI-KATA YA RUNGEMBA.

-KUKAGUA CHUO CHA FWITC( PANDAMITI KIBIASHARA)KATA YA KINYANAMBO.

-KUZINDUA MAABARA ZA SAYANSI KATIKA SHULE YA SEKONDARI UPENDO-KATA YA UPENDO.

-KUKAGUA UJENZI WA BARABARA- KATA YA BOMA.

-KUKAGUA UENDELEZAJI WA VIKUNDI VYA VIJANA(MAFINGA ARTS)KATA YA BOMA.

-KUWEKA JIWE LA MSINGIUJENZI WA KITUO CHA MAFUTA(NFS MAFINGA)-KATA YA BOMA.

-KUZINDUA JENGO LA KUTOA HUDUMA ZA DHARURA(EMD)HOSPITALI YA MJI MAFINGA KATA YA BOMA.

Mwenge wa Uhuru katika Halmashauri ya Mji Mafinga Umekesha katika Uwanja wa Mashujaa Mafinga Mjini na Umekabidhiwa Mkoa wa Morogoro na Mkuu wa Mkoa wa Iringa Mheshimiwa Halima Dendego.

IMEANDALIWA NA KITENGO CHA MAWASILIANO SERIKALINI- MAFINGA MJI

Sima Bingileki

Mkuu wa Kitengo cha Mawasiliano Serikalini- Mafinga TC