TAKUKURU IMEZINDUA KAMPENI YA UIMARISHAJI KLABU ZA KUPINGA RUSHWA KWA NJIA YA UPANDAJI MITI KATIKA SHULE YA SEKONDALI SAOHILL

Posted on: January 27th, 2025

atika kuendeleza zoezi la Upandaji miti lililozinduliwa katika Halmashauri ya Mji Mafinga (Mti wa Mama) TAKUKURU imezindua Kampeni ya Uimarishaji Klabu za kupinga Rushwa kwa njia ya upandaji miti katika shule ya Sekondali Saohill.

Akizungumza Mkuu wa Wilaya ya Mufindi mhe, Dk Linda Salekwa ambae ni mgeni rasmi amewapongeza wanafunzi waliojiunga katika klabu ya kupinga Rushwa TAKUKURU na amewaomba wawe mabalozi wazuri kwa yale wanayojifunza watoe elimu iyo atawakiwa nyumbani kwao na pia amewataka wasome kwa bidii kwani dunia ya sasa inabadilika na hivyo ni muhimu kuwa na elimu ili uendane na mabadiliko hayo. Pia amewapongeza Halmashauri ya Mji Mafinga kwa kujiwekea lengo la kupanda miti milioni 1.5 kwa mwaka ata hivyo amewataka waongeze idadi kwa kadri siku zitakavyoenda.

Amewapongeza TAKUKURU kwa kuanzisha klabu mashuleni na amesema “Kupanda mbegu kwa watoto ni kitu kizuri ndugu zangu wa TAKUKURU i mbegu mnayopanda inakua niwapongeze sana kwa hichi mnachofanya” pia amewataka wanafunzi waliopo klabu ya rushwa wazingatie yale ambayo wanafundishwa. Pia ametumia nafasi hiyo kukata keki na kuwalisha wanafunzi waliopo katika klabu za TAKUKURU kama ishara ya uzinduzi zoezi lililoambatana na upandaji miti.

Kwa upande wake mkuu wa TAKUKURU wilaya ya Mufindi Bw. Abdullah Abdarahman amesema wamekuwa wakianzisha klabu na kampeni mbalimbali kuanzia shule za Msingi, Sekondali mpaka Vyuoni lengo ni kuwajengea uwezo na uelewa juu ya mapambano zidi ya Rushwa.

Hafla hii imeudhuliwa na wadau mbalimbali wa masuala ya upandaji miti na misitu wakiwemo TFS-SAOHILL , kamati ya ulinzi na usalama ya Wilaya ya Mufindi pamoja na Wazazi wa wanafunzi na Wananchi kwa ujumla.

Imeandaliwa na,

Anna Mdehwa,

Afisa Habari.

Wanafunzi wa shule ya Sekondari Sao Hill wakiwa katika zoezi la upandaji miti na kupewa mafunzo ya kuanzisha klabu za kupambana na rushwa.