WATUMISHI WA HALMASHAURI YA MJI MAFINGA WAHIMIZWA KUFANYA KAZI KWA USHIRIKIANO NA UZALENDO

Posted on: December 11th, 2024

Mkurugenzi wa Halmashauri ya Mji Mafinga Bi, Fidelica Myovella ametoa rai kwa Watumishi kufanya kazi kwa bidii na ushirikiano aliposhiriki kikao cha Baraza la Wafanyakazi leo tarehe 11/12/2024.
“Unaposema Mtumishi mana yake unatumikia watu tutengeneze lugha nzuri kule tunapofanya kazi Watu waseme tunamtumishi tufanye kazi kwa ushirikiano,nidhamu,uzalendo na utii” ameeleza Myovella.

Aidha Bi, Fidelica Myovella amesisitiza tuendeleze ushirikiano na kufanya kazi kwa bidii ili tuzo tulizopata Mshindi wa Kwanza kanda ya pili yenye Mikoa saba katika mbio za Mwenge chini ya Mratibu Henry Kapela na mshindi wa 6 kati ya Halmashauri 184 katika kuhabalisha umma chini ya Mkuu wa kitengo Sima Bingileki na katika vitu mbalimbali amewapongeza Watumishi wote kwani kwa ushirikiano wa pamoja ndo umeleta vitu ivyo vyote na pia amesema tuzidi kusonga mbele zaidi.

Kwa upande wake Greyson Nyuna Katibu wa baraza la wafanyakazi amempongeza Bi, Fidelica Myovella kwa uchapakazi na uadilifu kwani amekuwa mfano mzuri wa kuigwa pia ameipongeza Halmashauri kwa ujumla kwa kusimamia vizuri zoezi la Uchaguzi wa Serikali za Mitaa kwani ulienda kwa amani na utulivu. Pia amewapongeza Watumishi kwa uchapakazi na ushirikiano ambao amekuwa akiuona mahali pa kazi.

Na,
Anna Mdehwa
Afisa Habari.

Watumishi wa Halmashauri ya Mji Mafinga wakiwa wakifatilia kwa umakini mkubwa kikao cha Baraza la wafanyakazi.