HALMASHAURI YAPONGEZWA KWA KUSANYA MAPATO ASILIMIA 28 ROBO YA KWANZA

Posted on: November 20th, 2024

Halmashauri ya Mji wa Mafinga imepongezwa kwa kukusanya mapato kwa asilimia 28 kwa robo ya kwanza ya mwaka wa fedha 2024/2025  kauli hiyo imesemwa   na  Mwenyekiti wa Halmashauri  Mheshimiwa Regnant Kivinge katika Baraza la Madiwani ambalo limefanyika leo katika ukumbi wa Halmashauri.

Mheshimiwa  Kivinge ametoa pongezi hizo kwa Mkurugenzi pamoja na watumishi wote wa Halmashauri kwa kuendelea kukusanya mapato ambayo yanasaidia kuendesha  halmashauri na kusaidia kutatua kero za wananchi katika maeneo yao sambamba na hilo ametoa rai kwa watumishi kuongeza kasi ya ukasanyaji wa mapato ili kuweza kufikia lengo.

Aidha katika Baraza la Halmashauri Mheshimiwa Charles Makoga Diwani wa Kata ya Isalavanu ameshauri kuanzisha shule maalumu kwa ajili ya michezo kwani kwa sasa michezo ni ajira hivyo itasaidia vijana wengi kujiajiri kupitia michezo ambayo itasaidia   kukuza vipaji vyao na kujipatia kipato kupitia michezo .

Kwa upande mwingine Halmashauri ya Mji wa Mafinga imepongezwa na Baraza la Madiwani  kwa kundelea kufanya vizuri katika mshindano  na michezo mbalimbali  ambayo yanajumuisha Halmashauri mbalimbali  ikiwemo Shimisemita  ambapo Halmashauri imeibuka na ushindi wa makombe matatu    ambapo katika  mpira wa wavu  ilishinda nafasi ya kwanza , kwaya nafasi ya tatu, na katika ngoma imeshinda mshindi wa kwanza. Halmashauri ya mji mafinga pia imepongezwa  kwa  kushindi  wa nafasi ya kwanza  Kanda ya pili katika mbio za  Mwenge wa Uhuru Kitaifa 2024.

Aidha Mwenyekiti wa Halmashauri amempongeza Mkurungenzi  Bi.Fidelica Myovela  pamoja na Wakuu wa Idara na Vitengo  kwa kuendelea kufanya kazi kwa ushirikiano na kuhakikisha Halmashauri inasonga mbele  na pia kuwaletea  wananchi maendeleo na kutatua kero zao katika maeneo yao.

Imetolewana Kitengo cha Habari na Mawasiliano Serikalini

Halmashauri ya Mji Mafinga

 Michael Ngowi

Picha za matukio mbalimbali katika Baraza la madiwani ambalo limefanyika leo Halmashauri ya Mji Mafinga.