IKIWA NI SIKU YA KWANZA YA CLINIC YA ARDHI -ZAIDI YA WANANCHI 139 KATIKA HALMASHAURI YA MJI MAFINGA WAMEPATIWA HUDUMA

Posted on: September 16th, 2025

Zaidi ya wananchi 139 katika Halmashauri ya Mji Mafinga hususan katika Kata ya Upendo wamepatiwa huduma katika Clinic ya Ardhi Halmashauri ya Mji Mafinga.

Akizungumza Afisa Ardhi Mteule Halmashauri ya Mji Mafinga Ndugu Geofrey Kabuje kwa Niaba ya Kamishna wa Ardhi Mkoa wa Iringa Bi Rehema Kilonzi amesema kuwa, ikiwa leo ni siku ya kwanza ya kutoa huduma hii muitikio umekuwa mkubwa sana ambapo jumla ya wananchi 139 wamepatiwa huduma ikiwemo huduma ya Kutayarishiwa Hati Miliki, Kupokea, kusikiliza na kutatua Migogoro ya Ardhi, Kutoa Ushauri wa Masuala mbalimbali ya Ardhi, Kukusanya Kodi ya Pango la Ardhi na kutoa Elimu juu ya Sheria za Ardhi.

Kabuje amesema zoezi la Clinic ya Ardhi katika Kata ya Upendo litafanyika kwa muda wa siku 6 kuanzia saa 2.30 Asubuhi mpaka saa 10.00 Jioni katika Ofisi ya Kata ya Upendo na zoezi linaendelea na litakuwa Endelevu kwa kata zote lengo likiwa kuhakikisha natatizo na changamoto za Ardhi zinatatuliwa na wananchi wanapata huduma za Ardhi kwa wakati

Na Sima Bingileki

Afisa Habari Mkuu