BENKI YA MUCOBA PLC KATIKA KUADHIMISHA WIKI YA HUDUMA KWA WATEJA WAMEMKABIDHI MKURUGENZI WA HALMASHAURI MJI MAFINGA MAPIPA 4 YA KUTUNZIA TAKA.

Posted on: October 9th, 2023

Benki ya Mucoba Mafinga  wamekabidhi mapipa 4 ya kutunzia taka kwa  Kaimu Mkurugenzi wa Halmashauri ya Mji Mafinga Ndugu, Charles Karibu Tuyi ambaye amemwakilisha  Mkurugenzi wa Halmashauri ya Mji Mafinga katika kuadhimisha Wiki ya Huduma kwa Wateja ambapo  Wiki ya Huduma kwa Wateja Benki ya Mucoba Mafinga  imejikita katika suala la Mazingira katika kuwezesha kutoa huduma safi na salama kwa Wateja.

Akizungumza Meneja wa Benki ya Mucoba Mafinga  Ndugu , Phillipo Fanuel Raymond amesema uzinduzi wa Wiki ya Huduma kwa Wateja  Benki ya Mucoba Mafinga  imejikita katika kutoa semina ya usafi wa mazingira lengo kuu ni kuhakikisha Wateja wa Benki ya Mucoba Mafinga  wanaishi katika mazingira safi na salama tunaimani kwa kufanya hivo tutakuwa na Wateja wazuri.

Naye Mkuu wa Kitengo cha Masoko Benki ya Mucoba Mafinga  Amina Abdi Mikongomi amesema  Benki ya Mucoba Mafinga  katika kuadhimisha Wiki ya Huduma kwa Wateja wamekwenda mbali zaidi kwa kuweza  kutoa huduma ya uwekaji akiba na mikopo kwa Wateja ambapo Benki ya Mucoba Mafinga katika kuadhimisha Wiki ya Huduma kwa Wateja  kipaumbele chake  ni kwetu sisi jamii kwanza tupo tayari kukusikiliza.

Aidha Kaimu Mkurugenzi wa Halmashauri ya Mji Mafinga Ndugu, Charles Karibu Tuyi ambaye ni Mkuu wa Idara ya Mazingira  amewashukuru Benki ya Mucoba Mafinga  kwa kuweza kuwapatia Mapipa 4 ya kutunzia taka amesema Halmashauri ya Mji Mafinga imepokea  vitendea kazi hivo kwani kwa kufanya hivo wanatimiza mujibu wa sheria ya Mazingira namba 20 ya Mwaka 2004 ambayo inasema kila binadamu anayo haki ya kuishi mazingira safi na salama na walichokifanya ni kurudisha kwa jamii katika kuwaweka Wateja wao mahali safi na salama.

IMETOLEWA NA KITENGO CHA MAWASILIANO SERIKALINI MAFINGA TC

Christopher Mhina

Mwandishi wa Habari Mafinga TC