HALMASHAURI MJI MAFINGA YASHIKA NAFASI YA TANO KITAIFA MATOKEO YA DARASA LA SABA 2017

Posted on: November 16th, 2017

Halmashauri  ya Mji wa Mafinga kupitia Idara ya elimu msingi imefanikiwa kushika nafasi ya tano kitaifa katika matokeo ya mtihani wa darasa la saba kwa mwaka 2017 na nafasi ya kwanza katika Mkoa Iringa, mkuu wa Idara ya elimu msingi Bi. Mariana Mgonja amesema  jumla ya watahiniwa 1887 walifanya mtihani huo wa kuhitimu elimu ya msingi. Aidha Bi. Mariana Mgonja ameendelea kwa kusema ufaulu huo unatokana na mipango thabiti iliyowekwa na Idara yake lakini pia Halmashauri kwa ujumla.Katika hatua nyingine Mkurugenzi wa Mji wa Mafinga Bi. Saada Mwaruka amesema Halmashauri yake kupitia Idara ya Elimu msingi na Elimu sekondari  imejipanga  kuhahakisha Halmashauri inaongeza kiwango cha ufaulu  zaidi katika elimu na kushika nafasi za juu zaidi.

Katika ufaulu huo jumla wasichana 921 na wavulana 804 walifaulu mtihani huo wa kuhitimu elimu ya msingi  ambao ni sawa na 91%.