HALMASHAURI YA CHATO YAPIGWA MSASA NA HALMASHAURI YA MJI MAFINGA JUU YA UKUSANYAJI WA MAPATO YA MAZAO YA MISITU

Posted on: January 13th, 2025

Halmashauri ya Wilaya ya Chato Mkoa wa Geita imefanya ziara katika Halmashauri ya Mji Mafinga kujifunza juu ya ukusanyaji wa mapato kupitia mazao ya misitu pamoja na vyanzo vingine.

Katika ziara hiyo ambayo imejumuisha  wajumbe  mbalimbali  akiwemo Katibu Tawala wa Wilaya, Mkurugenzi, Makamu Mwenyekiti wa Halmashauri , Madiwani, Wenyeviti wa vijiji   ambao wamepewa elimu juu ya ukusanyaji wa mapato na kutunza misitu ambayo ndio chanzo cha mapato hayo.

Wajumbe hao wameelekezwa njia sahihi  na ushirikiano mzuri na wananchi ili kuweza  kukusanya mapato kwa usahihi na pia kuepuka migogoro ambayo inaweza kujitokeza katika shughuli iyo ya ukusanyaji wa mapato pia  wameelekekezwa changamoto ambazo zinazo jitokeza katika ukusanyaji wa mapato ya mazao ya misitu na njia sahihi za utatuzi.

Aidha wamepewa mafunzo ya kuhakikisha misitu hiyo inalindwa kwa kufanya doria za mara kwa mara na pia kuibua fursa nyingine za misitu ikiwemo ufugaji wa nyuki ili kuhakikisha wanapata na kukusanya  mapato ya mazao hayo kama vile asali ambazo zitaongeza mapato katika Halmashauri.

Michael Ngowi  Afisa Habari

Wajumbe kutoka Halmashauri ya Wilaya ya Chato kutoka Mkoa wa Geita   wakiwa katika Halmashauri ya Mji Mafinga wakifatilia mafunzo ya ukusanyaji wa mapato yatokanayo na mazao ya misitu.