HALMASHAURI YA MJI MAFINGA IMEPOKEA KIASI CHA SHILINGI 1,048,600,000/= KWA AJILI YA UTEKELEZAJI WA MRADI WA BOOST .

Posted on: April 27th, 2023

Halmashauri ya Mji Mafinga imepokea kiasi cha shilingi 1,048,600,000/= kwaajili ya  Utekelezaji wa Mradi wa Boost ambapo itajengwa Shule Mpya Moja yenye mkondo 1 Mwongozo Shule ya Msingi,Ujenzi wa vyumba 6 vya madarasa na  matundu 3 ya vyoo katika Shule ya Msingi Gangilonga, Bumilayinga Shule ya Msingi Ujenzi wa vyumba vya madarasa ya Mfano 2 Kwa Elimu ya Awali.

Mjimwema  Shule ya Msingi Ujenzi wa vyumba vya madarasa 5 na matundu 3 ya vyoo.Shule ya Msingi Kinyanambo ujenzi wa vyumba 3 vya madarasa na matundu 4 ya vyoo. Shule ya Msingi Nyamalala ujenzi wa  vyumba 5 vya madarasa na matundu 3 ya vyoo na Ujenzi wa vyumba 5 vya madarasa  na matundu 3 ya vyoo katika Shule ya  Msingi Sabasaba.

BOOST ni  Mradi wa kuimarisha Ufundishaji na Ujifunzaji  kwa Shule za  Awali na Msingi Tanzania Bara  BOOST  ni sehemu ya Mpango wa Lipa Kulingana na Matokeo  EP4R  na inachangia utekelezaji wa Mpango wa Maendeleo wa Sekta ya Elimu  kwa miaka mitano 2021/2022 hadi 2026.

Halmashauri ya Mji Mafinga inamshukuru Mheshimiwa Rais Dkt, Samia Suluhu Hassan kwa kuleta fedha katika Halmashauri ya Mji Mafinga hasa katika Sekta ya Elimu kupitia Mradi wa BOOST unaolenga kuboresha Miundombinu ya Shule.

IMEANDALIWA NA KITENGO CHA MAWASILIANO SERIKALINI- MAFINGA TC

Sima Bingileki

Mkuu wa Kitengo cha Mawasiliano Serikalini- Mafinga TC