HALMASHAURI YA MJI MAFINGA YAPATA HATI SAFI YA UKAGUZI KUTOKANA NA TAARIFA YA MDHIBITI NA MKAGUZI MKUU WA HESABU ZA SERIKALI (CAG) KWA HESABU ZINAZOISHIA TAREHE 30 JUNI 2024

Posted on: June 19th, 2025

Mkuu wa Mkoa wa lringa Mhe. Peter Serukamba ameipongeza Halmashauri ya Mji Mafinga kwa kupata Hati Safi ya Ukaguzi kutokana na taarifa ya MDHIBITI na Mkaguzi Mkuu wa Hesabu za Serikali (CAG) Kwa Hesabu zinazoishia Tarehe 30 Juni, 2024.

“Kupatikana kwa” HATI SAFI” ni Ushirikiano baina ya Ofisi ya Mkuu wa Wilaya, Kamati ya Ulinzi na Usalama Wilaya, Mbunge, Waheshimiwa Madiwani pamoja na wataalamu wa Halmashauri husika. “

Amesema lengo ni kuondoa kabisa Hoja katika Halmashauri zote katika Mkoa wa Iringa kwani Maana ya Hoja ni kuwa Hakuna usimamizi na utaratibu wa matumizi ya Fedha katika

Halmashauri husika.

“Niagize tuheshimu na Tufuate sheria, kanuni na taratibu katika manunuzi yote ya Umma, niagize fedha zote zilizokopeshwa na zipo nje hazijarejeshwa zirejeshwe na vikundi vyote vinavyodaiwa vilipe fedha zote za mikopo.

Mheshimiwa Serukamba amesema lengo ni marejesho kurejeshwa na watu wengine waweze kukopa. Hivyo ameagiza zifanyike jitihada za Makusudi za kuhakikisha marejesho ya Mikopo ya asilimia 10 yanarejeshwa.

Naye Katibu Tawala Mkoa wa Iringa Bi. Doris Kalasa ameipongeza Halmashauri kwa kupata Hati Safi kwa hesabu za zinazoishia Juni 30 2024na kuagiza kuhakikisha vituo vyote vya kutolea huduma za Afya vinafunga mfumo wa gothomis na kuhakikisha

Fedha zinazovuka mwaka ziombewe kibali.

Mkutano huo wa Baraza la Madiwani la kujadili taarifa ya Mdhibiti na Mkaguzi Mkuu wa Hesabu za Serikali umehudhuriwa na Katibu Tawala Mkoa wa Iringa Bi. Doris Ntuli Kalasa Kamati ya Ulinzi na Usalama Mkoa wa Iringa, Mkuu wa Wilaya ya Kilolo Mheshimiwa Rebeca Msemwa kwa niamba ya Dkt. Linda Salekwa, Kamati ya Ulinzi na Usalama Wilaya ya Mufindi, Mwenyekiti wa Halmashauri ya Mji Mafinga, Mkurugenzi Mji Mafinga na Timu ya Menejimenti.

Na Sima Bingileki

Afisa Habari Mkuu- Mafinga TC

Picha mbalimbali za Waheshimiwa Madiwani na Wakuu wa Idara na Vitengo wakisikiliza hotuba ya Mkuu wa Mkoa wa Iringa Mheshiwa Piter Serukamba.