HALMASHAURI YA MJI MAFINGA YASAINI MIKATABA YA LISHE

Posted on: November 13th, 2023

Halmashauri ya Mji Mafinga tarehe 27/10/2023 imesaini mikataba miwili ya lishe ya miaka 8 ngazi ya jamii ambayo ni baina ya Mkurugenzi wa Mji Mafinga na Watendaji wa Kata na mkataba wa pili ni baina ya Watendaji wa Kata na watendaji wa mitaa na Vijiji.

Akizungumza Afisa Lishe Halmashauri ya Mji Mafinga Ndugu Salum Atlas  amevitaja viashiria vya  Utekelezaji wa Mikataba hiyo kuwa ni:-

-Asilimia ya vikao vya maendeleo ya Kata vilivyofanyika kujadili agenda ya lishe kwa robo ya kwanza.

-Asilimia  ya Vijiji/ Mitaa iliyotekeleza maadhimisho ya Siku ya Afya na Lishe ya Mitaa.

-Asilimia ya Mitaa iliyowasilisha taarifa za utekelezaji wa afua za lishe ngqzi ya jamii.

• Asilimia ya Mitaa iliyoandaa taarifa za hali ya lishe kwa watoto chini ya miaka mitano, wanawake wajawazito na kubandika kwenye mbao za Matangazao.
• Uwepo utaratibu wa kuwabana walezi wenye watoto chini ya miaka mitano juu ya afya na lishe ya mtoto.
• Idadi ya Kaya zilizotembelewa na WAJA kulinganisha na idadi ya kaya zenye wajawazito pamojq na
• Hali ya Upatikanaji chakula cha Mchana shuleni kwa kila kata.

Ameongeza kuwa katika kulifanikisha suala la mikataba ya lishe kwa kipindi cha robo ya kwanza jumla ya wakazi 740 wa Halmashauri ya Mji Mafinga wameweza kupatiwa elimu ya

Lishe kupitia mikutano ya hadhara katika mitaa na kata.

Elimu iliyotolewa ni umuhimu wa Lishe bora, matumizi ya chumvi iliyoongezwa madini joto na uhifadhi wake, makundi matano ya vyakula na mlo kamili.

Akifungu kikao hicho cha Tathmini ya Mkataba wa Lishe Ndugu Robert Kilewo Afisa Tawala Wilaya ya Mufindi akimwakilisha Mkuu wa Wilaya ya Mufindi

Mhe. Dkt. Linda Salekwa amesema muhimu elimu ya Lishe izidi kutolewa na matumizi na utunzaji 

Sahihi ya chumvi yenye madini joto ili kuhakikisha watoto wetu wanapata

Lishe bora na virutubisho muhimu

Kwa kina mama wajawazito, ili

Kuepukana na utapiamlo .

Kikao hicho kimehudhuriwa na Watendaji wa Kata zote 9 za Halmashauri ya Mji Mafinga Kaimu Mkurugenzi ambaye Ni Katibu wa Kikao Dr. Boviventura Chitopella pamoja na wakuu wa Divisheni.

Imeandaliwa na 

Sima Bimgileki

Mkuu wa Kitengo cha Mawasiliano Serikalini- Mafinga TC