KAIMU MKURUGENZI NDUGU CHARLES MWAITEGE AMEENDESHA KIKAO CHA KAMATI YA LISHE ROBO YA TATU

Posted on: June 6th, 2025

Kaimu Mkurugenzi wa Halmashauri ya Mji Mafinga Ndugu Charles Mwaitege ameendesha kikao cha Kamati ya Lishe kujadili taarifa mbalimbali kwa robo ya tatu kuanzia mwezi Januari hadi Machi 2025.

Katika kikao hicho Kaimu Mkurugenzi Ndugu Charles Mwaitege amezitaka Idara za elimu Msingi na Sekondari kuhakikisha wanazalisha mazao ya chakula kama mahindi ,maharage,na viazi ili kuhakikisha wanafunzi wanapata chakula pindi wanapokuwepo shuleni.

Aidha amesisitiza kuendelea kutoa elimu kwa wazazi na walezi kuhakikisha wanachangia chakula shuleni ili kuweza kuongeza ufaulu na kupunguza utoro pia kuhakikisha walimu wote wanasimamia zoezi hili kwa ukaribu zaidi.

Pia amewataka Maafisa Afya kuendelea kutoa elimu ya afya kwa makundi na wananchi mbalimbali juu ya matumizi bora ya lishe na matumizi sahihii ya bidhaa mbalimbali ili kuepuka kutengeneza sumu mbalimbali zitokanazo na bidhaa tunazo tumia.

Michael Ngowi

Afisa Habari