KAMATI YA ELIMU,AFYA NA UCHUMI YAKAGUA MIRADI YA MAENDELEO MAFINGA TC

Posted on: October 11th, 2022

KAMATI YA ELIMU, AFYA NA UCHUMI YAFANYA ZIARA KUKAGUA MIRADI YA MAENDELEO-MAFINGA TC

Kamati ya Elimu Afya na Uchumi inayoongozwa na Mwenyekiti ambaye ni Diwani wa Kata ya Rungemba  Mheshimiwa Samweli Mwalongo imefanya ziara kukagua Miradi ya Maendeleo inayotekelezwa chini ya Kamati hiyo.

Miradi iliyotembelewa na kukaguliwa  ni Mradi wa Ujenzi wa Vyumba Viwili vya Madarasa na Ofisi moja katika Shue ya Msingi Ihumo, Mradi wa Ujenzi wa Chumba Kimoja cha Darasa na Ofisi katika Shule ya Sekondari Isalavanu na Ujenzi unaoendelea katika Kituo cha Afya Bumilayinga.

Aidha, Wajumbe wa Kamati hiyo baada ya Kutembelea waliweza kutoa Mawazo yao kuhusu Miradi hiyo ikiwa ni pamoja Kupongeza Halmashauri kwa Usimamizi mzuri wa Miradi na kushauri halmashauri kukamilisha Miradi iliyobaki kama ya  Madarasa katika Shule ya Msingi Ihumo ili wanafuzi waweze kutumia madarasa hayo.

Kaimu Mkurugenzi Ndugu Charles Tuyi aliongoza Wataalamu mbalimbali kutoka Halmashauri kushiriki ziara hiyo.

IMEANDALIWA NA KITENGO CHA MAWASILIANO SERIKALINI-MAFINGATC

Sima Bingileki

Afisa Habari Mkuu