KAMATI YA MIPANGO MIJI NA MAZINGIRA IMEFANYA ZIARA YA KUKAGUA MIRADI YA MAENDELEO.

Posted on: July 28th, 2023

Kamati ya Mipango Miji na Mazingira ikiongozwa na Mwenyekiti wa Kamati Mheshimiwa Michael Msite imefanya ziara ya kukagua Miradi mbalimbali ya maendeleo  Halmashauri ya Mji Mafinga.

Miradi iliyotembelewa ni Ujenzi wa Shule mpya ya msingi Muungano yenye Mkondo mmoja, Ujenzi wa machinjio ya kuku na Ujenzi   wa vyoo soko jipya mtaa wa pipeline Kata ya Wambi.

Akizungumza Afisa Mifugo wa  Halmashauri ya Mji Mafinga Dkt Aldonis Ulimboka amesema ujenzi wa machinjio  ya kuku unatekelezwa kwa fedha za mapato ya ndani wenye thamani ya Tsh 38,327,600.00  Mradi huu utatoa huduma ya uchinjaji wa kuku ndani ya Halmashauri ya Mji Mafinga.

 Lengo la Ujenzi wa machinjio ya kuku ni kuboresha usalama wa nyama, kuboresha afya ya mlaji , kuongeza ajira, kuboresha usafi wa nyama ili kudhibiti mgonjwa ya mlipuko na ujenzi   umefikia 85 % ya ukamilishaji wake .

Naye Mwalimu Mkuu wa Shule ya Msingi Mwongozo Ndugu Cesilia Mbedule akitoa taarifa amesema ujenzi  wa Shule mpya ya msingi Muungano unatekelezwa  kupitia fedha za BOOST wenye thamani ya Tsh 347,500,000 ambazo ni fedha kutoka Serikali Kuu na  wamefanikiwa kujenga jengo la utawala, vyumba viwili vya madarasa ya awali na matundu sita ya vyoo, vyumba saba vya madarasa ya elimu ya msingi, matundu kumi ya vyoo pia kichomea taka.

Faida za ujenzi wa shule mpya utasaidia kupunguza msongamano wa wanafunzi katika shule mama ya mwongozo ujenzi umefikia 90% ya utekelezaji wake ambapo kazi ya ukamilishaji bado unaendelea.

Akizungumza Afisa Biashara wa Halmashauri ya Mji Mafinga Ndugu Evance Mtikile kuhusu ujenzi wa vyoo soko jipya  mtaa wa pipeline  kata ya Wambi amesema Mradi unatekelezwa na fedha kutoka  mapato ya ndani  ambapo ujenzi  umefikia 10 % ya utekelezaji wake na  kazi ya ukamilishaji unaendelea.

Ziara  imehudhuriwa na   Wajumbe ambao ni Waheshimiwa Madiwani wa Kamati hiyo , Kaimu Mkurugenzi wa Halmashauri ya Mji Mafinga Ndugu Charles Tuyi na Wataalamu.

IMETOLEWA NA KITENGO CHA MAWASILIANO SERIKALINI

Christopher Mhina

Mwandishi wa Habari Mafinga TC