KAMATI YA SIASA YA CHAMA CHA MAPINDUZI (CCM) WILAYA YA MUFINDI IMEFANYA ZIARA YA SIKU YA PILI YA KUKAGUA UTEKELEZAJI WA MIRADI YA MAENDELEO KATIKA HALMASHAURI YA MJI MAFINGA.

Posted on: November 8th, 2023

“ Kazi yetu Kamati ya Siasa Chama Cha Mapinduzi Wilaya ya Mufindi ni kuisimamia Serikali kuhakikisha Ilani ya Chama Inatekelezwa. Utekelezaji wa Ilani ndo huu  wa Miradi yenye Ubora mnayoitekeleza, Hakika Mji Mafinga thamani ya Miradi tuliyoitembelea inaendana fedha iliyotumika”

Kauli hiyo imetolewa na Mwenyekiti wa Chama Cha Mapinduzi Wilaya ya Mufindi Mheshimiwa George Kavenuke akiwa ameongozana na Kamati ya Siasa ya Chama Cha Mapinduzi Wilaya ya Mufindi kwenye ziara ya Siku ya pili ya kukagua Utekelezaji wa Miradi ya Maendeleo katika Halmashauri ya Mji Mafinga. 

MIRADI ILIYOTEMBELEWA:-
- Ujenzi wa Madarasa 5 na matundu 3 ya vyoo(BOOST) ambapo  Shule ilipokea kiasi cha shilingi Milioni 131 kutoka Serikali Kuu.
- Ujenzi wa Shule mpya ya Msingi Muungano ambapo Shule ilipokea shilingi Milioni 347
- Ujenzi wa Shule mpya ya Sekondari Ndolezi ambapo Shule ilipokea kiasi cha Shilingi Milioni 583 kutoka Serikali Kuu( SEQUIP)

-Ujenzi wa Madarasa na matundu ya vyoo katika Shule ya Msingi Kinyanambo
-Ujenzi wa Madarasa 6 na matundu ya Vyoo katika Shule ya Msingi Gangilonga. Miradi yote imekamilika.

Kutoka Ofisi ya Mkuu wa Wilaya, Katibu Tawala Wilaya ya Mufindi Ndugu Frank Sichalwe amesema jukumu letu watumishi ni kuhakikisha tunatekeleza Miradi ya Maendeleo kwa ufanisi na kuisemea serikali kwa kazi zinazofanyika kwa vitendo.

Kwa niamba ya wataalamu wa Halmashauri ya Mji Mafinga Mkurugenzi Ndugu Ayoub Kambi ameahidi kuendelea kutekeleza Miradi ili wananchi wa Mji Mafinga wapate huduma Bora na stahili.
Ziara Pia imehudhuriwa na viongozi mbalimbali wa Chama na Serikali kutoka ngazi za Kata na Mitaa

Sima Bingileki
Mkuu wa Kitengo Cha Mawasiliano Serikalini Mafinga Tc