KAMATI YA SIASA YA CHAMA CHA MAPINDUZI (CCM)WILAYA YA MUFINDI YAPONGEZA MAENDELEO YA UJENZI WA SHULE YA SEKONDARI MPYA YA UFUNDI( AMALI)( BILIONI1.6)MIUNDOMBINU YA HOSPITALI MJI MAFINGA ( MILIONI 900) NA UJENZI WA SHULE MPYA YA SEKONDARI KATA YA UPENDO(MI

Posted on: December 17th, 2024

KAMATI YA SIASA YA CHAMA CHA MAPINDUZI (CCM)WILAYA YA MUFINDI YAPONGEZA MAENDELEO YA UJENZI WA SHULE YA SEKONDARI MPYA YA UFUNDI( AMALI)( BILIONI1.6)MIUNDOMBINU YA HOSPITALI MJI MAFINGA ( MILIONI 900) NA UJENZI WA SHULE MPYA YA SEKONDARI KATA YA UPENDO(MILIONI 583.1) KATIKA HALMASHAURI YA MJI MAFINGA.

“ Hakika mmeitendea haki Serikali, majengo haya 19 yana ubora thamani ya fedha iliyotumika inaonekana na tumesikia mnafanyakazi mpaka usiku ili kuhakikisha Shule hii ya Amali na Shule Mpya katika Kata ya Upendo zinakamilika kwa wakati na mwakani watoto waanze masomo katika Shule hii, tunawapongeza Mkurugenzi na Wataalamu kwa Usimamizi”

Moja ya kazi ya Chama cha Mapinduzi ni kuisimamia Serikali ili kutekeleza majukumu yake na kutoa huduma bora kwa jamii ikiwa ni pamoja na kusimamia utekelezaji wa Miradi ya Maendeleo.

“ Fedha iliyoletwa kwenye Shule hii ya Amali ni Bilioni 1.6 kutoka Serikali Kuu( SEQUIP) na ni Shule ya Ufundi ambayo itazalisha mafundi wengi ambao wataleta maendeleo makubwa katika Sekta ya Viwanda.”

Kauli hiyo imetolewa na Mwenyekiti wa Chama Cha Mapinduzi Wilaya ya Mufindi Mheshimiwa George Kavenuke alipokuwa akiongoza Kamati ya Siasa ya Chama Cha Mapinduzi Wilaya ya Mufindi kufanya ziara ya kukagua Miradi ya Maendeleo

Ziara ya Kamati ya Siasa Wilaya ya Mufindi pia imetembelea Ujenzi wa Shule ya Sekondari Katika Kata ya Upendo inayojengwa na fedha kutoka Serikali Kuu( SEQUIP) Milioni 583,180,080 na Ukamilishaji wa Majengo 3 katika Hospitali ya Mji Mafinga jengo la ICU, Jengo la Mama na Mtoto na Jengo la kufulia kwa gharama ya shilingi milioni 900.

Naye Katibu Tawala Wilaya ya Mufindi Ndugu Reuben Chongolo kwa niaba ya Mkuu wa Wilaya ya Mufindi amehudhuria ziara hiyo akiwa na Kamati ya Ulinzi ya Wilaya na Kaimu Mkurugenzi Mwalimu Stephen Shemdoe akiongoza Wataalamu wa Halmashauri ya Mji Mafinga kupokea Maagizo na Ushauri wa Kamati hiyo.

Sima Mark Bingileki

Afisa Habari Mkuu

Wajumbe wa Kamati ya Siasa Wilaya ya Mufindi wakiwa katika Miradi mbalimbali ambayo waimeitembelea leo hii.