Kamati ya siasa yaridhishwa na maendeleo ya miradi inayotekelezwa na halmashauri ya mji wa mafinga.

Posted on: October 12th, 2018

Hayo yameleelzwa na mwenyekiti wa chama cha mapinduzi CCM wilaya ya mufindi, mkoani iringa ndugu Yassin daud mlowe baada ya kukagua miradi mbalimbali inayotekelezwa katika halmashauri ya mji wa mafinga ikiwemo ya afya, maji, elimu, na utawala yenye thamani ya zaidi ya shilingi bilioni tano.

“Sisi chama cha mapinduzi wilaya ya mufindi tunaridhika kabisa na utekelezaji wa ilani chini ya Mwenyekiti wetu Taifa na Rais wa Jamhuri ya Muungano wa Tanzania Dkt John Pombe Magufuli, sisi mawazo yetu ni wananchi waendelee kuwa na imani na serikali yetu” alisema ndugu mlowe

Ameahidi kuwaeleza wajumbe wa halmashauri kuu ya Ccm kwamba wameridhika kabisa na utekekelezaji wa ilani kwenye halmashauri ya mji mafinga na wameona ni miradi mikubwa na inatekelezwa vizuri aidha amewataka wakurugenzi na watumishi wote wa serikali kuendelea kutekeleza miradi yote iliyopo kwa viwango vinavyotakiwa.

Kwa upande wake mwenyekiti wa halmashauri ya mji wa mafinga mh. Charles makoga amempongeza mbunge wa mafinga mjini mh. Cosato chumi kwa juhudi zake binafsi za kutafuta wafadhili kutoka japani ambao wamesaidia ujenzi wa jengo la upasuaji katika hospitali kuu ya mji mafinga lililogharimu kiasi cha fedha milioni mia mbili ishirini.

“Miradi hii yote imetekelezwa kwa viwango vinavyokubalika na kamati imesifia, ni imani yetu kwamba miradi hii italeta manufaa makubwa sana kwa wananchi” alisema mh. makoga.

Nae mkuu wa wilaya mufindi mh. Jamhuri william ambae pia ni mjumbe wa kamati ya siasa ya wilaya ameiambia kamati hiyo kuwa yeye pamoja na wasidizi wake wanahakikisha ilani inatekelezwa kwa wakati na ubora unaotakiwa.

“Mimi ninaomba masuala ya ukaguzi wa miradi yasisubiri ratiba za chama bali kama mkiona kuna umuhimu wakati wowote kwa ukaguzi mnakaribishwa” alisema mh. william.

Aidha mkurugenzi wa halmashauri ya mji wa mafinga bi. Saada Mwaruka ameishukuru kamati ya siasa kwa kutembelea na kukagua miradi na amesema yeye pamoja na timu yake wako tayari muda wote kutekeleza maelekezo ya kamati.

“Na kama tamko la ilani linavyoeleza kwamba chama cha mapinduzi kuendelea kushika dola na kuwaongoza watanzania kwa njia ya demokrasia basi tutahakikisha tunaenda bega kwa bega ili nia hiyo iendeleee kudumu” alisema mwaruka.

Kwa mujibu wa ilani ya Ccm ya uchaguzi mkuu wa mwaka 2015 kifungu namba 189, Ccm ina jukumu la kufuatilia kwa karibu utekelezaji wa ilani kwa kupata taarifa za kila baada ya miezi mitatu na pia kwa viongozi kufanya ziara za kutembelea miradi inayotekelezwa katika maeneo yao ili chama kiendelee kukubalika na kuaminiwa na wananchi ni muhimu viongozi wake kuwa karibu na wananchi kwa kuwatembelea, kusikiliza kero zao na kuzitafutia majawabu.