“LEO NI SIKU YA KWANZA YA UBORESHAJI WA DAFTARI LA KUDUMU LA WAPIGA KURA - WANANCHI WENGI WAMEJITOKEZA KUJIANDIKISHA NA KUBORESHA TAARIFA ZAO KATIKA VITUO VYOTE 78 - MAFINGA TC

Posted on: December 27th, 2024

Kauli hiyo imetolewa na Afisa Mwandikishaji Jimbo la Mafinga Mjini Ndugu Charles Mwaitege akiwa ameambatana na Mkurugenzi wa Halmashauri ya Mji Mafinga Bi Fidelica Myovella walipokuwa wakitembelea na kukagua zoezi la uandikishaji katika vituo vya Uandikishaji Wapiga Kura katika Kata 9 za Halmashauri ya Mji Mafinga.

Vituo vilivyokaguliwa na kutembelewa ni Ofisi ya Mtaa wa Igawa, Lutalawe,Chogo na Malingumu.

Afisa Mwandikishaji Jimbo la Mafinga Mjini Ndugu Charles Mwaitege amesema vituo vinafunguliwa kuanzia saa 2 kamili Asubuhi na kufungwa saa 12 kamili jioni .

Aidha amewawataka wananchi wote wanaotakiwa kuandikishwa na kuboresha taarifa zao watumie siku hizi vizuri ili kuweza kujiandikisha kupata kadi ya Mpiga Kura zoezi linalosimamiwa na Tume huru ya Uchaguzi

Sima Bingileki

Mkuu wa Kitengo cha Mawasiliano Mafinga TC

Mkurugenzi wa Halmashauri ya Mji Mafinga  Bi Fedelica Myovella akikagua  vituo mbalimbalui na kuangalia zoezi la uwandikishaji na uboreshaji wa taarifa kwenye daftari la kudumu la mpiga kura jimbo la Mafinga Mjini.