MAFINGA TC YAADHIMISHA MIAKA 59 YA MUUNGANO KWA KUPANDA MICHE YA MATUNDA KATIKA SHULE YA SEKONDARI YA JJ MUNGAI NA CHANGARAWE.MPAKA SASA HALMASHAURI IMEPANDA MICHE 1.721,402

Posted on: April 27th, 2023

Jumla ya Miche 330 ya parachichi imepandwa katika Shule ya Sekondari ya JJ Mungai na Changarawe ikiwa ni kusherehekea maadhimisho ya Miaka 59 ya Muungano wa Tanganyika na Zanzibar .

Akizungumza Afisa Maliasili na Uhifadhi wa Mazingira  Ndugu, Demitrus Kamtoni amesema kuwa lengo kusudiwa ni kupanda miche 1,500,000 kwa Halmashauri ambapo mpaka sasa miche 1,721,402 imeshapandwa na kuvuka lengo katika maeneo mbalimbali Halmashauri ya Mji kwa kusudi la kuhifadhi Mazingira, kuongeza lishe kuleta kivuli na kupambana na Tabia nchi .

Amesema kila Shule inatakiwa ipande miche ya miti ya matunda isiyopungua 10 kulingana na ukubwa wa eneo lao na zoezi linaendelea katika Shule mbalimbali.

Maadhimisho ya Miaka 59 ya Muungano wa Tanganyika na Zanzibar yanaadhimishwa kila tarehe 26/4 ambapo kwa Mwaka huu Halmashauri ya Mji Mafinga imeadhimisha miaka 59 ya Muungano kwa kupanda miti na kushiriki michezo kimkoa kwa timu za mpira wa pete na mpira wa miguu.

“MIAKA 59 ya Muungano wa Tanganyika na Zanzibar

Umoja na Mshikamano ndiyo nguzo ya kukuza Uchumi wetu.”

IMEANDALIWA NA KITENGO CHA MAWASILIANO SERIKALINI- MAFINGA TC

Sima Bingileki

Mkuu wa Kitengo cha Mawasiliano Serikalini-Mafinga TC

Angela Kairuki

Ofisi ya Rais - Tamisemi

Halima DendegoMaelezo News

CCM TANZANIA