MAFUNZO HAYA YA UTAWALA BORA NA URAIA YATAWAWEZESHA KUTEKELEZA MAJUKUMU YENU KWA KUZINGATIA HAKI ZA BINADAMU, UTAWALA BORA, MAADILI YA MIIKO YA UONGOZI KWA MUJIBU WA SHERIA NA KANUNI ZILIZOWEKWA

Posted on: December 13th, 2024

“ Mafunzo haya ya Utawala Bora na Uraia yatawawezesha kutekeleza majukumu yenu kwa kuzingatia Haki za binadamu, Utawala Bora, Maadili ya Miiko ya Uongozi kwa Mujibu wa Sheria na Kanuni zilizowekwa”

Kauli hiyo imetolewa na Kaimu Mkuu wa Wilaya ya Mufindi ambaye ni Katibu Tawala Ndugu Reuben Chongolo alipokuwa akifungua mafunzo ya siku moja kwa Wajumbe wa Kamati ya Usalama, Wataalamu na Watendaji wa Kata kuhusu Utawala Bora yanayotolewa na Kuratibiwa na Wizara ya Katiba na Sheria.

Akizungumza Wakili Dorice Dario kutoka Wizara ya Katiba na Sheria amesema lengo la kutoa mafunzo haya ni kuwajengea uwezo washiriki kuhusu haki na wajibu wao kikatiba, kuongeza uelewa kwa washiriki kwenye masuala ya Uraia, Haki za Binadamu, Misingi ya Utawala Bora,Demokrasia, Serikali za Mitaa na vyombo vya ulinzi na Usalama na kuwawezesha walengwa kutekeleza majukumu yao kwa kuzingatia Haki za Binadamu na Utawala Bora.

Aidha amesema Mada mbalimbali zimewasilishwa ikiwemo mada ya Madaraka kwa Umma iliyowasilishwa na Bi, Yustina Yonnas Bubinza Kutoka Ofisi ya Rais Tamisemi, Mada ya Demokrasia na Utawala Bora iliyowasilishwa na Ndugu, Yohana Mcharo, mada ya Ulinzi na Usalama iliyowadilishwa na Mjumbe kutoka Jeshi la Polisi.

Wizara ya Katiba na Sheria kushirikiana na wawezeshaji kutoka OR- TAMISEMI, Tume ya Haki za binadamu na Jeshi la Polisi ambapo mafunzo yamehudhuriwa na Kamati ya Ulinzi na Usslama, Mkurugenzi Mji Mafinga bi, Fidelica Myovella, Kaimu Mkurugenzi Wilaya ya Mufindi, watendaji wa Kata za Wilaya ya Mufindi na Wakuu wa Idara.

Wizara ya Katika na Sheria pia inaendelea na Kampeni ya Msaada wa Kisheria ya Mama Samia( Mama Samia Legal Aid Campaigh ambapo kwa sasa Kampeni hiyo inatekelezwa katika Mikoa 4 uliwemo Mkoa wa Iringa.

Imeandaliwa na
Kitengo cha Mawasiliano Serikalini- Mafinga TC
Sima Mark Bingileki
Mkuu wa Kitengo cha Mawasiliano Serikalini.

Washiriki mbalimbali wa mafunzo ya  ya Utawala Bora na Uraia ambayo  yatawawezesha kutekeleza majukumu  kwa kuzingatia Haki za binadamu, Utawala Bora, Maadili ya Miiko ya Uongozi kwa Mujibu wa Sheria na Kanuni zilizowekwa ambayo yametolewa hivi karibuni Wilaya ya Mufindi.