MAFUNZO YA NEST KWA WAKUU WA SHULE ZA SEKONDARI, MSINGI NA WALIMU WA MANUNUZI KATIKA HALMASHAURI YA MJI MAFINGA YENYE LENGO LA KUTATUA CHANGAMOTO ZINAZOTOKANA NA MATUMIZI YA MFUMO WA NEST.

Posted on: January 24th, 2025

“ Kuna watu hawafungui mfumo wa NeST kwa wakati hivyo kusababisha kupitwa na wakati, tujitahidi sana kuujua mfumo na kuingia kwa wakati kwa kuwa Miradi mingi tunayoitekeleza inakuja na maelekezo kwa kufuata sheria na kanuni”
Kauli hiyo imesemwa na Mkurugenzi wa Halmashauri ya MJI Mafinga Bi Fidelica Myovella alipokuwa akifungua mafunzo ya matumizi Sahihi ya Mfumo wa Manunuzi NeST, mafunzo yanayotolewa kwa Wakuu wa Shule za Sekondari, Msingi na walimu wa Manunuzi katika Halmashauri ya MJI Mafinga yenye lengo la kutatua changamoto zinazotokana na matumizi ya mfumo wa NeST.

Amesema Serikali inaleta kila siku Fedha kwaajili ya Utekelezaji wa Miradi ya Maendeleo hivyo lazima katika kutekeleza Miradi hiyo tufuate, Sheria, kanuni za Manunuzi ili kumali za Miradi kwa wakati na kujenga Miradi kwa ubora.

“Tunaishukuru sana Serikali inayoongozwa na Mheshimiwa Rais Dkt Samia Suluhu Hassan kwa kuendelea kutuletea Fedha za Miradi ya Maendeleo, katika Kutekeleza Miradi hii lazima tufuate maelekezo yote ili Miradi ikamilike kwa wakati uliopangwa na kufuata taratibu zote za manunuzi.
“ Nawaomba sana walimu tusikwamishane kwenye utekelezaji wa Miradi hii ya maendeleo kila mmoja awe mzalendo, aumiliki Mradi na kuwa mfuatiliaji ili kuhakikisha Miradi inakamilika kwa wakati na kufuata kanuni zote na maelekezo.

Mafunzo ya NeST yanatolewa kwa walimu wa Manunuzi na Wakuu wa Shule za Msingi na Sekondari yakiendeshwa na Idara ya Manunuzi kwa kushirikiana na Idara za ELIMU Sekondari na Msingi.
NeST ni Mfumo mpya wa Kielektoniki wa Manunuzi ya Umma.

Sima Bingileki
Afisa Habari Mkuu- Mafinga TC

Walimu wakifatilia mafunzo ya mfumo wa manunuzi Nest katika Halmashauri ya Mji Mafinga.