MKURUGENZI MAFINGA TC AFANYA ZIARA ZA KUJENGA MAHUSIANO NA WADAU WA MAENDELEO WALIO KATIKA HALMASHAURI YA MJI MAFINGA.

Posted on: November 13th, 2022

MKURUGENZI MAFINGA TC AFANYA ZIARA ZA KUJENGA MAHUSIANO NA WADAU WA MAENDELEO  WALIO KATIKA HALMASHAURI YA MJI MAFINGA.

“ Nimeamua kuja kuogea na Uongozi wa Kiwanda na kuona shughuli zinazofanywa kwenye kiwanda hiki lengo likiwa ni kujenga mahusiano  kati ya Halmashauri na Uongozi wa kiwanda. Ni kweli kiwanda kinalipa tozo mbalimbali za Halmashauri lakini nimeona niwe natembelea wadau wa Maendeleo  katika Halmashauri ya Mji Mafinga watufahamu na kupokea changamoto kama wanazo  kuhusu huduma tunazowapatia kama Halmashauri.”

Kauli hiyo imetolewa na  Mkurugenzi wa Halmashauri ya Mji Mafinga Bi, Happiness Laizer alipokuwa akizungumza na Mkurugenzi wa Kiwanda cha YISEN INTERNATIONAL INVESTMENT CO LTD Ndugu  Zheng Ronglan kilichopo eneo la Luganga katika Halmashauri ya Mji Mafinga.

Bi Laizer amesema wamiliki wa viwanda na taasisi lazima wanamengi ya kutushauri au kutuambia kuhusu huduma wanazozipata kutoka Mji Mafinga hivyo kwa kuwafuata kwanza wanaona Serikali inawathamini na kama kuna changamoto yoyote wanakuwa huru kuieleza na Halmashauri kuipokea na kuifanyia kazi.

Akiwa ameambatana na  baadhi wakuu wa Idara wa Halmashauri hiyo wameweza kujionea shughuli zinazofanyika kiwandani hapo na amewakaribisha watu binafsi na wafanyabiashara wadogo wadogo kuja kununua bidhaa kiwandani hapo kwa gharama nafuu.

Wakuu wa Idara waliombatana na Mkurugenzi ni pamoja na  Mkuu wa Idara ya Mipango Apolinaly Seyia, Mkuu wa Idara ya Ukaguzi wa Ndani Erick Ntikahela pamoja na Mhandisi Joseph Temba.

Bw. Joakim Waswa Mkalimali kiwanda cha YISEN INTERNATINAL INVESTMENT CO LTD amesema kiwanda kina Zaidi ya wafanyakazi 800 kinazalisha marineboard kuuza kwa wafanyabiashara na kuuza nje ya nchi.

IMEANDALIWA NA KITENGO CHA MAWASILIANO SERIKALINI-MAFINGATC

Sima Bingileki

Kaimu Mkuu wa Kitengo cha Mawasiliano –Mafinga Tc.