MKURUGENZI WA MJI MAFINGA BI MYOVELLA ASHIRIKI ZOEZI LA KUFANYA USAFI KATIKA KUAZIMISHA MIAKA 63 YA UHURU WA TANGANYIKA

Posted on: December 9th, 2024

Mkurugenzi wa Halmashauri ya Mji Mafinga Bi Fedelica Myovela  ameshiriki katika zoezi la kufanya usafi  katika maeneo ya stendi ya Matanana pamoja na Hospitali ya Mji Mafinga ikiwa ni kuazimisha miaka 63 ya Uhuru wa Tanganyika   yenye kauli mbiu “ Uongozi  Madhubuti na Ushirikishwaji wa Wananchi ni Msingi wa Maendeleo Yetu”.

Katika zoezi hilo la kufanya usafi  limehudhuruwa na watumishi  mbalimbali wa Halmashauri na wananchi wa Mafinga, na makundi mbalimbali ambapo Mkurugenzi Bi Myovella amewataka wananchi wa mji  wa mafinga kuhakikisha wanafanya usafi katika maeneo yao ya biashara ili kuhakikisha ya nakuwa masafi wakati wote hii itasaidia kuepukana na magonjwa ya mlipoko katika maeneo yetu ya biashara .

Aidha ametoa rai kwa Watendaji na Wenyeviti wa Mitaa kuhakikisha wanakuwa na desturi za kupita katika masoko  na kwenye maduka ili kuhamasisha zoezi la usafi liendelee kufanyika kila siku na kuacha kufanya usafi kwa mazoa ya kusubiri mwisho wa mwezi .

Pia Bi Myovella amewapongeza watumishi wote, wananchi na makundi mbalimbali ambayo yamejitokeza katika kufanya usafi  na kuwasisitaza umuhimu wa kutunza mazingira na kufanya usafi katika maeneo yao na kuwa mstari wa mbele kuhakikisha maeneo yanakuwa safi na salama pia Bi muyovella amepanda miti katika Hospitali ya Mji Mafinga  ili kuhamasisha  jamii kupanda miti katika maeneo yao.

Habari na Michael Ngowi 

Afisa Habari Halmashauri ya Mafinga Mji

Picha mbalimbali katika zoezi la ufanyaji usafi  Halmashauri ya Mji Mafinga ikiwa ni kuadhimisha miaka 63 ya Uhuru wa Tanganyika .