MKUU WA WILAYA YA MUFINDI DKT LINDA SALEKWA AMEKUTANA NA WAKUU WA DIVISHENI NA VITENGO WA HALMASHAURI ZA WILAYA YA MUFINDI.

Posted on: July 31st, 2023

Mkuu wa Wilaya ya Mufindi Mheshimiwa Dkt. Linda Salekwa amekutana na Wakuu wa Divisheni na Vitengo wa Halmashauri za Wilaya ya Mufindi lengo likiwa ni kupokea Mikakati ya Kila Divisheni na Vitengo kwa miaka mitano ijayo na kuwasilisha taarifa za Utekelezaji kwa mwaka wa uliopita 2022-2023.

Akizungumza Dkt Linda amesema Mkakati huu wa wilaya utaunganishwa na Mkakati wa Mkoa ambao utatoa muelekeo nini wilaya inapanga kufanya kwa Miaka mitano ijayo  Kwenye sekta zote.

Akimkaribisha Mkuu wa Wilaya,Katibu Tawala Wilaya ya Mufindi Ndugu Frank Sichalwe amesema watumishi wanawajibu na haki, hivyo lazima kila mmoja atimize wajibu wake katika kuhudumia wananchi na kuwa wabunifu katika Utekelezaji wa majukumu yake.

Idara zote zimewasilisha mpango mkakati na kuandaa maazimio ya Utekelezaji kwa kila Idara na Divisheni.Kikao kimehudhuriwa na Katibu Tawala Wilaya ya Mufindi Ndugu, Frank Sichalwe, Mkurugenzi wa Mji Mafinga Ndugu, Ayoub Kambi, Mkurugenzi wa Halmashauri ya Wilaya ya Mufindi ndugu, Charles Fussi na Kamati ya Ulinzi na Usalama Wilaya, Mufindi.

IMETOLEWA NA KITENGO CHA MAWASILIANO SERIKALINI-MAFINGA TC

Sima Bingileki

 Kaimu Mkuu wa Kitengo Cha Mawasiliano Serikalini-Mafinga TC