NAIBU WAZIRI WA MAJI AKAGUA MAENDELEO YA MRADI WA KUBORESHA MIFUMO YA MAJIKATIKA MJI MAFINGA UNAOTEKELEZWA KWA GHARAMA YA SHILINGI BILIONI 48.06 NA UTANUFAISHA WATUMIAJI ZAIDI YA 95000

Posted on: May 24th, 2024

“ Lengo la  Mheshimiwa Rais wa Jamhuri ya Muungano wa Tanzania  Dkt Samia Suluhu Hassan ni kuhakikisha wananchi wanaoishi Mjini wanapata Maji safi na salama kwa Asilimia 95 na  vijijini Maji yanapatikana kwa asilimia  85. hivyo Mradi huu wa kuboresha mifumo ya Maji katika Mji Mafinga ni moja kati ya Miradi 28 inayotekelezwa na Serikali ya Awamu ya Sita.

Akizungumza  Naibu Waziri wa Maji (Mb) Mhandisi Kundo Andrea Mathew amesema

Mradi huu wa Maji wenye thamani ya shilingi Bilioni 48.06 Utasaidia  kuongeza watumiaji wa Maji kufikia lengo la Mheshimiwa Rais la kuhakikisha kila mwananchi mjini na vijijini anapata Maji safi na Salama.

“ Mradi ni mzuri  ila utekelezaji wake Umefikia asilimia 16 na ulitakiwa ukamilike Machi 2024 nimeona   utekelezaji wa mradi na nitaenda kusukuma ili fedha zije haraka kukamilisha mradi  huu ili malengo ya Mheshimiwa Rais yatimie ya  kuhakikisha wananchi wanapata Maji safi na Salama Mjini na vijijini.

Mradi huu wa Maji utahudumia wananchi zaidi ya 95000 wa kata za Boma, Wambi, Changarawe, Upendo na unasimamiwa na MAUWASA Mkoa wa Iringa.

Mheshimiwa Naibu Waziri Mathew ametembelea Mradi eneo la jeshini  yanapojengwa matenki ya Maji na  baadae ametembelea Chanjo cha Maji na Amepokelewa na Kaimu Mkuu wa Wilaya Ndugu Frank Sichalwe na Mkurugenzi wa Mji Mafinga  Bi, Fidelica Myovella na Wakuu wa Idara

Sima Bingileki

Mkuu wa kitengo cha Mawasiliano Mafinga Tc