TUME HURU YA TAIFA YA UCHAGUZI YATOA MAFUNZO KWA WASIMAMIZI WASAIDIZI NGAZI YA JIMBO NA ARO KATA MAFINGA MJI

Posted on: December 19th, 2024

Jaji wa Mahakama  Kuu ya Tanzania  na Mjumbe wa Tume Huru ya Taifa ya Uchaguzi  Mheshimiwa Asina Abdallah Omary amefungua mafunzo   ya uboreshaji wa daftari la kudumu la wapiga kura   kwa wasimamizi ngazi ya jimbo Halmashauri ya Mji Mafinga  mafunzo hayo yamehudhuriwa na  Watendaji wa Kata (ARO,s KATA )  na Waandikishaji wasaidizi ngazi ya Jimbo .

Mheshimiwa Jaji Asina Abdallah Omary amewapongeza Watendaji wote wakata  kwa kuaminiwa na kuteuliwa na kuapa kwaajili ya kufanya kazi hii kwa uadilifu na uzalendo mkubwa amewaeleza umuhimu wa mafunzo haya na kuyaelewa ili yaweze kufanyika kwa ukamilifu mkubwa  katika maeneo yetu  hivyo ARO KATA  mnawajibu  wa kuyajua mafunzo haya  ambayo ni matumizi ya mashine ya Bayometriki (BVR Kit) na ujazaji wa fomu mbalimbali kwa umakini mkubwa  na kuwa makini kwa kusoma  vitabu na makabrasha yaliyo tolewa na Tume .

Amewasisitiza  ARO KATA na Waandikishaji wasaidizi ngazi ya Jimbo kuhakikisha wanafanya  kazi kwa kufuata kanuni na sheria na kuacha kufanya vitu ambavyo havipo katika kanuni na sheria pia kujibu maswalli ambayo watakuwa wanaulizwa na wananchi ambao watakuwa wanajiandikisha katika maeneo yao na  kutoa  elimu juu ya uboreshaji wa daftari la kudumu la wapiga kura ili kujenga uwelewa kwa wananchi , hata hivyo amewataka watendaji wote kuhakikisha wanalinda  na kuvitunza  vifaa hivi kwa umakini mkubwa kwani vifaa hivi ni vya gharama kubwa sana Serikali imetoa pesa nyingi hivyo tuna wajibu wa kuvitunza ili vikatumike kwa wengine.

Aidha Mkurugenzi wa Halmashauri ya Mji Mafinga Bi Fedelica Myovella ameshukuru kwa nasaha ambazo zimetolewa na  Jaji wa Mahakama  Kuu ya Tanzania  na Mjumbe wa Tume Huru ya Taifa ya Uchaguzi  Mheshimiwa Asina Abdallah Omary kwa ARO KATA  na  Waandikishaji ngazi ya Jimbo  pia amesema Halmashauri itahakikisha inasimamia na kuendesha zoezi hili  kwa umakini na ushirikiano mkubwa ili kuwafikia wananchi wote kwenye maeneo yao  ambayo watakuwa wanaboresha taarifa zao katika daftari la kudumu la wapiga kura .

Michael Ngowi

Afisa Habari Halmashauri ya Mji Mafinga.

Wajumbe wakifatilia mafunzo   ya uboreshaji wa daftari la kudumu la wapiga kura   kwa wasimamizi ngazi ya jimbo Halmashauri ya Mji Mafinga  mafunzo hayo yamehudhuriwa na  Watendaji wa Kata (ARO,s KATA )  na Waandikishaji wasaidizi ngazi ya Jimbo .