WANANCHI JITOKEZENI KUJIANDIKISHA DC DKT SELEKWA

Posted on: October 16th, 2024

Na Michael Ngowi 

Mkuu wa Wilaya ya Mufindi Mheshimiwa Dkt Linda Salekwa amefungua bonanza la michezo lengo likiwa ni kuhamsisha wananchi kujitokeza kwa wingi katika vituo vyao vya kujiandikishia na pia waweze kutimiza takwa la kikatiba la kushiriki Uchaguzi wa Serikali za Mitaa Novemba 27, 2024.

Katika bonanza hilo la michezo lilifanyika katika uwanja wa Wambi limejumuisha makundi mbalimbali ikiwemo timu za mpira wa miguu kutoka Halmashauri ya Mafinga Mji na Halmashauri ya Mufindi, bodaboda, bajaji, veterani, madereva malori, vijana wa hamasa pamoja na timu za wanawake kutoka sehemu mbalimbali ndani ya Wilaya ya Mufindi

Mheshemiwa Dkt Selekwa Amewataka vijana kuhakikisha wanakuwa mstari wa mbele katika zoezi hili la uwandikishaji kwani wao ndio kundi kubwa na wanauwezo wa kuhamasisha makundi mbalimbali kujitokeza na pia itampa kila mmoja fursa ya kumchagua mgombea ambaye anamtaka katika eneo lake.

Aidha Mheshimiwa Selekwa kupitia bonanza hili la michezo ameendelea kutoa rai kwa makundi mbalimbali kuhakikisha wanatumia muda huu ulio bakia kujitokeza kwa wingi katika vituo vya kujiandikishia ilikuondoa usumbufu ambao unaweza kujitokeza kuelekea siku za mwisho hivyo tujitokeze tusisubiri siku za mwisho.

Picha mbalimbali katika bonanza la michezo amabalo Mkuu wa wilaya Dkt Linda Selekwa ametumia kuhamasisha wananchi kujitokeza na kujiandikisha ili waweze kushiriki uchaguzi wa serikali za mitaa.Novemba 27